Interpelanca ndaj kryeparlamentarit, KÇRRI diskuton nëse Xhaferi shkeli kodin e etikës

Komisioni Parlamentar për çështje të Rregullores dhe Imunitetit, sot do të diskutojë rreth  raportit për shkelje të Kodit të Etikës nga kryeparlamentari, Talat Xhaferi, i dorëzuar nga deputetët e VMRO-DPMNE-së, më 18 maj.

Kryeparlamentari Talat Xhaferi në konferencën e fundit për media tha se nuk ndjen përgjegjësi që t’u kërkojë falje zyrtarëve parlamentar të cilëve u ka drejtuar fjalë fyese.Ai nuk konsideron se ka shkelur Kodin e Etikës dhe thotë se për këtë çështje ka një procedurë që po vazhdon në organet e Kuvendit.