Maqedoni
Aksioni policor në Idrizovë, gjendet drogë, armë dhe sende të tjera të ndaluara
14.06.2022 14:48
Herët në mëngjes policia ka bastisur burgun e “Idrizovës”....
Herët në mëngjes policia ka bastisur burgun e “Idrizovës”. Ministria e Brendshme bëri të ditur se gjatë kontrollit në burg janë gjetur drogë, armë dhe sende të tjera të ndaluara.
“Me datë 14.06.2022 zyrtarë policorë nga Departamenti për luftimin e krimeve të organizuara dhe të rënda, Departamenti për polici kriminale dhe Departamenti për operacione speciale policore – Njësiti për vendosje të shpejtë dhe SPB Shkup në koordinim me prokurorin publik kompetent nga Prokuroria Publike Shkup, dhe në në koordinim me Zyrën për ekzekutimin e sanksioneve, ka kryer aksion të koordinuar policor në një lokacion në Shkup.
Në këtë mënyrë, në IEVP Idrizovë janë bërë kontrolle për konstatimin e rasteve të papranueshme apo të ndaluara të të dënuarve me vuajtje të dënimit me burgim, si rezultat i bashkëpunimit të zgjeruar ndërinstitucional, me qëllim të parandalimit dhe parandalimit të kryerjes së veprave penale në institucionet e vuajtjes së dënimit.
Pas marrjes së urdhëresës nga gjyqtari për procedurë paraprake, janë kryer bastisje në gjithsej 25 qeli në seksione të ndryshme në IEVP Idrizovë. Gjatë kontrolleve janë gjetur: një shumë më e madhe se sa e lejuar me ligj që të dënuarit mund t'i posedojnë në valuta dhe prerje të ndryshme, rreth 50 celularë, aksesorë kompjuteri, 37 thika dhe shumë sende të tjera të mprehta, drogë pluhur, gjendje të lëngët dhe pilula e të tjera. sende të dyshuara si të lidhura me krime, sipas zëdhënëses së Ministrisë së Brendshme Suzana Pranjic Talevska.
Një pjesë e sendeve të gjetura janë konfiskuar për procedim të mëtutjeshëm nga Departamenti për Luftimin e Krimit të Organizuar dhe të Rënda, ndërsa pjesa tjetër i është dorëzuar Shërbimit të Burgjeve për procedim të mëtejshëm”, thuhet në njoftimin e Ministrisë së Brendshme
.