Zgjerimi i BE-së, Pendarovski: Shtyrja, zbeh ndikimin e BE-së

Me porosi të qarta dhe me shpresën se Brukseli më 23 qershor duhet të reflektojë pozitivisht ndaj Maqedonisë së Veriut për nisjen e bisedimeve, iu drejtua presidenti i shtetit, Stevo Pendarovski, kryetarit të Këshillit të Europës, Sharl Mishel.

 

Çdo prolongim i zgjerimit me shfrytëzim të vetos, sipas kreut të shtetit lëkund kredibilitetin e BE-së, ul ndikimit tek qytetarët dhe t’ia vë fundin procesit të zgjerimit. Presidenti u shpreh i hapur për çdo iniciativë që do të ndihmonte anëtarësimit.  

 

“Në këto momente të luftës në kontinent, dimensioni i zgjerimit është i ritheksuar. Për mbijetesën e politikave të zgjerimit të BE-së nevojitet përgjegjësi e rritur gjeopolitike, veçanaraisht tek vendet anëtare. Çdo iniciativë e cila realisht do të kontribuonte për zhbllokim apo përshpejtim të procesit integrues është i mirëseardhur, përfshirë këtu edhe Bashkësinë Politike Europiane. Këtë e kuptojmë jo si shpërblim ngushëllues ose kompensim për anëtarësim por vetëm si instrument shtesë i cili do të ndihmojë në integrimin më të shpejtë.”,- tha presidenti, Stevo Pendarovski.

 

 

Kryetari i Këshillit të Europës, Sharl Mishel, deklaron se një ndër prioritetet e BE-së mbetet hapja e bisedimeve me Maqedoninë dhe Shqipërinë. Ai nuk shpalos detaje të vendimeve nga kryesimi françez por i bindur në arritjen e marrëveshjes që procesi të lëviz përpara.

 

“Mbështesim gjitha përpjekjet që të gjendet zgjidhje e pranueshme për kontestin e hapur me Bullgarinë. Unë jam i përfshirë në këtë bashkë me Francën dhe BE-në që të ndihmojmë që procesi të shkojë para. Jam i bindur se do të kemi zhvillim pozitiv shumë shpejt që do të jetë shumë i rëndësishëm për vendin tuaj dhe mbarë rajonin. Propozimi për Bashkësinë Politike Europiane, nuk është alternativë e zgjerimit por mundësi që të thellojmë dhe përparojmë bashkëpunimin.”,- theksoi kryetari i Këshillit të Europës, Sharl Mishel.

 

Këshilli i Europës javën që vjen para nisjes së samitit do të organizojë takim me liderët e Ballkanit Perëndimor ku do të flitet se si të arrihen rezultate konkrete të zgjerimit. Sipas Mishel ardhmëria e Europës do të jetë më e sigurt me Ballkanin Perëndimor brenda Unionit, ndërkaq lufta në Ukrainë vetëm se ka përshpejtuar procesin.