Propozimi francez, ministria e jashtme mohon marrjen e dokumentit

Edhe përkundër informacioneve jozyrtare se propozimi francez ka mbërritur në ministrinë tonë të jashtme, nga ky dikaster përgënjeshtrojnë informacionin duke thënë se propozimi i tillë ende nuk i’u është dorëzuar. 

 

 

Nga VMRO-DPMNE kritikojnë për heshtjen ndaj një marrëveshje të cilën vetë e kanë dakorduar duke pranuar që të gjitha kërkesat bullgare të futen në kornizën enegociuese dhe zbatimi I tyre të vëzhgohet nga komision i posaçëm.

 

“VMRO s’do mbështet propozimin francez i cili nënkupton bullgarizim të kombit dhe largimin e vendit nga BE. VMRO – DPMNE s’do pranojë kurfarë marrëveshje nënvlerësuese në dëm të interesave tona kombëtare. Nëse qeveria tenton ta sjellë jashtë kuvendit apo me forcë në kuvend, atëherë qeveria e ardhshme e VMRO-së s’do të respektojë dhe zbatojë asnjë pikë të marrëveshjes.”, tha Marija Miteva, zëdhënëse e VMRO–DPMNE-së.

    

 

Ndërkohë në Luksemburg ministrat e jashtëm të vendeve anëtare janë duke shqyrtuar propozimin francez për ta miratuar. Disa vende anëtare kundërshtojnë vendosjen e çështjeve dylaplëshe në kornizën negociuese, ndërkohë që kërkohet nisja e bisedimeve sa më shpejtë me Maqedoninë e Veriut dhe Shqipërinë.

 

“Do të informojë këshillin për vizitën e Ballkanit Perëndimor, për përpjekjet tona që të shpejtohet procesi I anëtarësimit për Maqedoninë e Veriut dhe Shqipërinë.”, tha ministri për punë të jashtme të Greqisë, Nikos Dendias.

 

“Kemi përgatitur propozim për zgjerim i cili po ngec. Fuqishëm mbështesim të gjitha përpjekjet për nisjen e bisedimeve me Maqedoninë e Veriut dhe Shqipërinë.”. tha ministrja për punë të jashtme të Sllovenisë, Tanja Fajon.

 

“Qëndrimi ynë është se do të duhet të nisin bisedimet me Maqedoninë e Veriut dhe Shqipërinë pa prolongime të mëtejme. Maqedonia e Veriut pret 17 vite për nisjen e bisedimeve, ndryshoi emrin dhe bëri gjithçka për nisjen e bisedimeve dhe tani është e bllokuar për çështje historike.”. tha ministri për punë të jashtme të Austrisë, Aleksandar Shalemberg.

 

“Gjermania mbështet fuqishëm por edhe kancelari ishte I qartë për Ballkanin Perëndimor. Tani është momenti që Ballkani Perëndimor të merr sinjal të qartë me hapjen e bisedimeve me shqipërinë dhe Maqedoninë e Veriut.”, tha ministrja për punë të jashtme të Gjermanisë, Analena Baerbok.

 

Vendimi për çeljen e bisedimeve me Maqedoninë e Veriut dhe Shqipërinë do të dihet në mes të javës në samitin e BE-së, me një vendim unanim të të gjitha vendet anëtare.