Mbledhja e Këshillit për Punë të Përgjithsme, e fundit e presidencës franceze, RMV pa datë

Këshilli për Punë të Përgjithshme i Bashkimit Evropian mbildhet për herë të fundit në kuadër të presidencës franceze, por,  edhe kësaj rradhe pa datë për fillimin e bisedimeve me Shkupin dhe Tiranën.  Megjithatë, ministrat e jashtëm sërish me mbështetje  për zgjerimin me Ballkanin Perëndimor, duke thënë se do të vazhdojnë  me angazhimet e tyre për  të zhblloguar eurointegrimin e RMV-së dhe Shqipërisë, që po mbahet penga nga Bullgaria.

 

“Do ta shqyrtojmë planin e Sllovenisë për zgjerimin e BE-së. Pres sinjal pozitv për Ballkanin Perëndimor, hapjen e bisedimeve me Maqedoninë e Veriut dhe Shqipërinë, statusin e vendit kandidat për Bosnjën dhe Hercegovinën dhe Ukrainës.”, tha Ministrja e jashtme e Sllovenisë Tanja Fajon. 

 

“Nuk duhet t’i harrojmë gjithashtu  gjashtë vendet e Ballkanit Perëndimor,  të cilat janë kandidat ose presin të bëhen shtete kandidate.”, tha sekretarja e shtetit kroat për Çështje Evropiane, Andreja Zgombiç

 

“Ne do të kemi një angazhim intenziv lidhur me Ballkanin Perëndimor, që ka të bëjë me zgjidhjen e bllokadës dhe mbajtjen e konferencës me Maqedoninë e Veriut dhe Shqipërinë.”, tha ministrja e shtetit gjerman për Evropë, Ana Luhrman.

 

“Greqia është mbështetëse kyçe e zgjerimit të BE-së më Maqedoninë e Veriut dhe Shqipërinë. U përkushtuam  të gjejmë zgjidhje mes Maqedonisë së Veriut dhe Bullgarisë për tejkalimin e bllokadës, në mënyrë që të japim dritë jeshile për mbajtjen e konferencës së parë ndërqeveretare.”, tha zv/minsitri i jashtëm i Greqisë Miltiadis Varviciotis.

 

Këshilli për Punë të Përgjithshme në fokus të bisedimeve ka vënë raportet fillestare  eurointegruese me Ukrianën, Moldavinë dhe Gjeorgjinë.