Varheji: RMV mund ti nisin bisedime brenda disa ditësh

“Shkupi dhe Tirana kanë bërë gjithçka çka ju është kërkuar. Tani BE duhet t’a bëjë punën e vet. Kemi zgjidhje në tryezë që është miratuar nga parlamenti bullgar. Të gjitha pengesat janë tejkaluar.”,- ka thënë për agjensinë shtetërore të lajmeve MIA, eurokomesari Oliver Varheji. 

 

Në situatë kur Sofja tashmë pranoi propozimin e Makronit për t’i dhënë fund dallimeve dypalëshe, Shkupi zyrtar pret nga Franca që ta përshtat propozimin me çështjet senzitive, siç janë: gjuha maqedonase dhe historia si dhe kushti që bisedimet me BE-në të fillojnë pasi paraprakisht të bëhen ndryshimet kushtetuese për përfshirjen u bullgarëve në aktin juridik më të lartë shtetëror. 

 

 

Ministri Bujar Osmani vazhdon me diplomacinë dhe komunikimet për t’u  qartësuar me qytetarët rreth situatës aktuale. Ai qetëson opinionin lidhur me shprehjen  “maqedonas verior” nga ana e kryeministrit francez Makron. Në një bisedë telefonike të tij me me kabinetin e Makronit, ministrit Osmani i është siguruar se shprehja e atillë e presidentit ka qenë vetmë një gabim i paqëllimshëm, duke theksuar se Franca në tërësi respekton emrin kushtetues të vendit. 

 

“Është konfirmuar qëndrimi zyrtar i Francës për respektimin e plotë të emrit zyrtar të vendit, shtetas të Maqedonisë së Veriu, si dhe mbiemrat përkatëse, në mënyrë siç janë definuar dhe pranuar në OKB, konform Marrëveshjes së Prespës.”, – thuhet në komunikatën e MPJ-së. 

 

Ndërkohë diplomatët bullgar pohojnë se situata e re politike e krijuar në Bullgari si dhe heqja e veto-s bullgare për RMV-në, nuk është bërë nën ndikimin amerikan. Ambasadori i ri bullgar në SHBA, Georgi Panajotov për televizionin bullgar ka thënë se shteti amerikan nuk ka ushtruar presion lidhur me vendimin që e solli parlamenti bullgar javën e kaluar por ka shtuar se mbyllja e problemeve mes Shkupit dhe Sofjes shkon në dobi të SHBA-ve.