Finlanda e Suedia në NATO, Ryabkov: Zgjerimi i Aleancës është destabilizues

Moska i sheh negativisht planet e Suedisë dhe Finlandës për anëtarësim në NATO.

 

Zëvendësministri i Jashtëm rus Sergei Ryabkov tha sot se zgjerimi i Aleancës është destabilizues dhe nuk kontribuon në sigurinë e anëtarëve të saj. Sipas Ryabkov, vendet e NATO-s, si dhe Suedia dhe Finlanda që duan të anëtarësohen, në fakt po "ia japin një pjesë të sovranitetit të tyre mbrojtës Shteteve të Bashkuara". 

 

“Unë dyshoj seriozisht se sa paqësore do të jetë periudha e ardhshme për fqinjët tanë evropiano-veriorë. Në fund, ata i japin një pjesë të politikës së tyre të jashtme dhe sovranitetit të mbrojtjes Uashingtonit dhe të ashtuquajturve partnerë të lartë të NATO-s.”, deklaroi  Ryabkov. 

 

Ai shtoi se Moska po ankohej për "bisedimet për solidaritetin euroatlantik, të cilat po përdoren si mbulesë për planet agresive të Aleancës kundër Rusisë".