Maqedoni
Propozimi francez, do të publikohet sot në ueb faqen zyrtare të Qeverisë pas takimit me koalicionin qeveritar
01.07.2022 13:48
Propozimi nga presidenca franceze në formë integrale do të publikohet sot në ueb faqen zyrtare të Qeverisë...
Propozimi nga presidenca franceze në formë integrale do të publikohet sot në ueb faqen zyrtare të Qeverisë pas takimit me koalicionin qeveritar, njoftoi Kryeministri Dimitar Kovaçevski.
Ai për sot paralajmëroi më shumë takime dhe konsultime lidhur me propozimin.
“Menjëherë pas takimit, në formë integrale do ta publikojmë propozimin në ueb faqen zyrtare të Qeverisë. Gjatë ditës, krahas takimit me koalicionin qeveritar, do të mbahen edhe konsultime dhe biseda me publikun ekspert, si dhe me mediat. Siç edhe paralajmërova dje, i gjithë procesi do të zhvillohet në mënyrë transparente, ndërsa opinioni në detaje do të njoftohet me të gjitha hapat e ardhshëm.Bëj thirrje për përgjegjësi nga të gjithë aktorët relevant të shoqërisë, spekulimet për çështje të rëndësishme shtetërore dhe nacionale nuk janë për të mirën e askujt.
Apeloj deri te të gjithë aktorët politik dhe mediat të mbështeten në informacionet zyrtare nga institucionet. Kërkoj konstruktivitet dhe mbështetje nga të gjitha palët, për të sjellë vendim të menduar mirë në interes të të gjithë qytetarëve”, thuhet në statusin në Fejsbuk te kryeministrit Kovaçevski.