Vijojnë evakuimet pas përmbytjeve në Sidney

Mijëra persona të tjerë janë evakuuar në Sidnei të Australisë për shkak të përmbytjeve. Pavarësisht se intensiteti i reshjeve ka rënë uji nuk është tërhequr akoma.

 

Ujërat e lumenjve janë  në nivelet e rrezikut, duke detyruar autoritetet të bëjnë më shumë evakuime. Në episodin e tretë më të madh të përmbytjeve të vitit, mbi 85,000 njerëzve në Uellsin e Ri Jugor, iu kërkua të evakuoheshin ose u paralajmëruan se mund t’u kërkohet ta bëjnë këtë. Familjet që u prekën nga përmbytjet, do ju jepet një ndihmë prej 680 dollarë.

 

Moti në bregun lindor të Australisë është mbizotëruar nga fenomeni “La Nina”, i lidhur zakonisht me reshje më të mëdha shiu, për dy vjet me radhë. Edhe pse La Nina përfundoi në qershor, zyrtarët e motit thonë se ka një shans 50-50 që mund të kthehet më sërish më vonë në këtë vit.