Botë
Vasilev ia ktheu mandatin të papërmbushur, Radev: Bullgaria të mos humbasë kohë dhe para
08.07.2022 18:48
Kandidati për kryeministër të Bullgarisë, nga “Vazhdojmë me ndryshimin” – Asen Vasilev....
Kandidati për kryeministër të Bullgarisë, nga “Vazhdojmë me ndryshimin” – Asen Vasilev ia ka kthyer mandatin e paplotësuar për formimin e qeverisë presidentit Rumen Radev, pasi nuk arriti të bindë 121 deputetë që ta mbështesin.Vasilev deklaroi se nuk kan marrë mjaftueshëm mbështetje parlamentare
“Ne do t'i kthejmë mandatin Presidentit të paplotësuar, fatkeqësisht nuk gjetëm 121 deputetë për të mbështetur programin, reformën e ligjit, punën që duhet të bëjmë deri në fund të vitit në aspektin e veprimit ligjvënës në mënyrë që plani Rimëkëmbja dhe Rezistenca, të mund të zbatohet. Në këtë përbërje parlamentare, 117 deputetë ishin të gatshëm të mbështesin këtë program dhe politikat tona, shpresojmë që në zgjedhjet e ardhshme të kemi edhe katër vota të tjera.”, tha ai.
Presidenti Radev deklaroi se një vit më parë qytetarët besonin se Bullgaria mund të menaxhohet në një mënyrë tjetër.
“Kredia e tërhequr e besimit ndaj kabinetit nuk mund dhe nuk duhet të shterojë përpjekjet publike për të ndërtuar një qeveri transparente dhe të përgjegjshme ndaj qytetarëve. Besoj se misioni për të ndryshuar vendin tonë është historik dhe sado i vështirë të jetë, bullgarët do ta arrijnë atë. Besoj thellë se institucionet mund të arrijnë rezultate dhe interesi i arritur kombëtar është i pari. Pres që qeveria të zhvillojë dhe të përgatisë për paraqitjen në Asamblenë Kombëtare ligjet që lidhen me Planin e Rimëkëmbjes dhe Qëndrueshmërisë, në mënyrë që Bullgaria të mos vazhdojë të humbasë kohë dhe para.”, theksoi Radev.
Javën e ardhshme Radev do të shpallë se kur do t'i japë mandatin partisë së dytë më të madhe.