Propozimi francez, Jashari: Refuzimi kthen vendin mbrapa

<p>Propozimi francez duhet pranuar,&nbsp; pasiqë është varianti më i mirë i mundur dhe paraqet dëm më të vogël, në kontekst të mbrojtjes së pozicioneve maqedonase, vlerëson profesori universitar Hasan Jashari.</p><p>Sipas tij, vetëm atëherë do t’i jepej fund edhe krizës politike. Në të kundërtën vendi mund të hyjë në rrugë të errët dhe izolim.</p><p><strong><em>“Nga ana tjetër në të ardhmen priten ndërlikime edhe polemika të mëdha se si u bë dhe kjo më së tepërmi do të jetë rezultat i profiterëve politikë edhe politikave partiake. Mirpo këtu duhet të shihet interesi shtetëror, interesi i perspektivave qytetare. Interesi i perspektivave qytetare është që të pranohet propozimi dhe të mos vihet në një ‘luftë’, tuneli i së cilës nuk i shihet drita askund, dmth hyn në një rrugë qorre.”</em></strong> – tha profesor universitar, Hasan Jashari</p><p>Qeveria veçmë ka dorëzuar propozimin në kuvend dhe sipas gjitha gjasave i njëjti mund të vehet në rend dite pas ribalancit të buxhetit më 11 korrik. Profesori Jashari i bindur se parlamenti do t’i japë dritë jeshile dokumentit, duke mos parashikuar konflikte të mëtejme ndëretnike.</p><p><strong><em>“Nuk ka gjasa për përplasje ndëretnike, sepse shqiptarët do ta përkrahin do të thotë këtë propozimin francez edhe mënyrën se si një pjesë e maqedonasve, 50% e tyre pranojnë dhe 50% nuk e pranojnë; shqiptarët do ta pranojnë por do të bëhen cak i sulmeve nga forcat të cilat nuk e pranojnë dokumentin francez. Por këto do të jenë sporadike dhe nuk ka gjasa që të shtohen që të rriten edhe të kenë ndonjë reperkusion të zgjeruar në një shoqëri.”</em></strong> – u shpreh Jashari.</p><p>Sipas Jasharit vetë hapja e Kushtetutës në të ardhmen me përfshirjen e bullgarëve në pjesën konstituive, do të jetë një proces i vështirë por i patjetërsueshëm,&nbsp; pasi kushtëzohet me hapjen e kapitullit të parë për nisjen e bisedimeve me BE-në. (Meral Ismaili, TVM2)</p><p>&nbsp;</p>