Kumanovë, lokomotiva godet veturën

Në hekurudhën në fshatin Rramanli të Kumanovës derisa një Lokomotivë ka qenë në lëvizje ka goditur një veturë. Rastin përmes një njohtimi të shkurtër e konfirmon edhe SPB e Kumanovës.

 “Sot rreth orës 12.48 minuta është raportuar për një aksident trafiku në fshatin Rramanli mes një lokomotive dhe një veture. Organet e hetuesisë  kanë dalur në vendin e ngjarjes dhe po kryejnë hetimert për zbardhjen e rastit “ thuhet në njohtimin e SPB të Kumanovës.

Ndërkaq nga spitali i Kumanovës na njohtuan se pas ndihmës së ofruar, dy të lënduarit, janë në gjendje jashtë rrezikut për jetë dhe janë dërguar në repartin e traumatologjisë në Shkup.

Në vendin e ngjarjes ndodheshin banorë të fshatit, të cilët para kamerës tonë shprehën  revoltën për aksidentet e shpeshta në këtë vend, ku edhe para 6 muajsh një person humbi jetën. Ata thonë se shkaktar i aksidenteve është ,mos vendosja e rampës në këtë kalim.

“I kemi dy të lënduar dhashtë Zoti e i shëron, këto raste po na ndodhin thuj se çdo ditë kemji bë ankesa e lutje për me vendos rampa, ne dojm rampa e jo kamera, fjala se paskan punu semaforat, si mundet të na argumentoje se ka punu ai semafor, kemi 100 apo 200 fëmij që çdo ditë kalojnë këtë kalim, fëmija nuk e shef semaforin e nuk e shef trenin, jemi kundër kamerave, kamerat I kanë vendosur me na pa se sip o na mbyt treni”, - tha mes tjerash një banor i fshatit Rramanli – Kumanovë.

“Vetëm të mbytur kemi 5-6 veta këtu në këtë kalim, te rampa lart atje 3 përnjëher, posht atje une 1 cka e di, por ka edhe më shumë nuk më kujtohet tash, këtu para 6 muajve njeriu është mbytë edhe prap se prap askush nuk merr masa ”, tha një banor tjetër i fshatit Rramanli.

Banorët e Rramanlisë në shenjë revolte së shpejti paralajmërojnë nisjen e protestave.

“Shteti nuk merr vendim këtu, këtu vendim duhet me marr fshatarët, me e blloku hekurudhën, vetëm kjo na ka mbet”, tha një banor i fshatit Rramanli.

“Do të marrim pëlqim prej Policisë, edhe do të dalim me bllokada, kemi me I vendu traktorat, populli kemi me dal dhe nuk ka tren me kalu”, tha një banor i fshatit Rramanli.

Ndryshe në hekurudhat e fshatit Rramanli, aksidentet mes automjeteve dhe trenave janë të shpeshta dhe me fatalitet.  (Fatlum Aqifi, TVM2)