Abazoviq u kërkon falje nënave të Srebrenicës

Kryeministri i Malit të Zi, Dritan Abazoviq, përmes një postimi në Twitter, i ka kërkuar falje nënave të Srebrenicës, për shkak të deklaratës së tij në tubimin komemorativ me rastin e 27 vjetorit të gjenocidit të kryer ndaj boshnjakëve nga forcat serbe.

“Më falni nëna të Srebrenicës për mendimin e shprehur në mënyrë të paqartë. Dihet se çdo veprim varet nga qëllimi. Qëllimi im është paqja. Gjenocidi është kryer mbi boshnjakët në Srebrenicë dhe uroj që kurrë më të mos i përsërit askujt”,  ka shkruar Abazoviq.

“Kërkimfalja e tij erdhi pasi gjatë fjalimit të tij, Abazoviq tha se" gjenocidi nuk është kryer ndaj boshnjakëve por ndaj njerëzve, dhe se atë nuk e ka bërë ushtria por politika", gjë që ngjalli reagime të shumta.