Kovaçevski: Gjuha maqedonase do të mbrohet si një nga gjuhët zyrtare të BE-së

Në një intervistë për MIA-n, kryeministri Dimitar Kovaçevski thotë se në propozimin e modifikuar francez, gjuha maqedonase është e mbrojtur si një nga gjuhët zyrtare të BE-së, e deklaratat e njëanshme ligjërisht dhe formalisht, nuk kanë asnjë ndikim në proces. Dhe këtu përfundon historia.

Kryeministri thekson se pasi Maqedonia e Veriut të bëhet anëtare e plotë e BE-së, qytetarët e saj do të mund t'u drejtohen institucioneve në gjuhën maqedonase, e institucionet do të jenë të obliguara t'u përgjigjen edhe në gjuhën maqedonase.  Kovaçevski shtoi se procesi praktikisht do të fillojë menjëherë, me fillimin e negociatave të gjitha dokumentet e Bashkimit Evropian do të fillojnë të përkthehen në gjuhën maqedonase. Lidhur me mbrojtjen nga kushtet e përsëritura gjatë negociatave dhe nëse ka garanci, Kovaçevski u përgjigj se ajo që ai e konsideron më të rëndësishme është të përfitojmë maksimumin nga procesi dhe të evropianizojmë shoqërinë tonë,  në kohën më të shkurtër të mundshme.