Debati parlamentar për propozimin francez vazhdon edhe sot

Debati parlamentar për propozimin francez vazhdon edhe sot, pasi kryeparlamentari Xhaferi  nderpreu dje seancën dhe vazhdimin e caktoi për sot në mesdite.

E vetmja pikë për diskutim  është informacioni për përmbajtjen e Propozim kornizës negociuese për anëtarësim të RMV-se ne Bashkimin Evropian, të propozuar nga Presidenca franceze.

Janë paraqitur për të marrë fjalën gjithsej  42 deputetë. Seanca që në fillim ishte e tensionuar me procedurale të shumta të cilat i kërkoi opozita maqedonase dhe me pauzat e gjata në mes.

Në seancë atmosfera u tensionua akoma më shumë, me fishkëllima dhe bori, në momentin  kur kryeministri Kovaçevski  mbajti fjalimin e tij hyrës para deputetëve rreth rëndësisë për dritën jeshile nga ana e Kuvendit të propozim konkluzave të përgatitura nga shumica palamentare.

Kryeministri në fjalimin e tij tha se propozimi para së gjithash qartë e specifikon gjuhën maqedonase si gjuhë e vetme dhe e pranuar në BE, të gjitha çështjet dypalëshe me fqinjin lindor nuk janë pjesë e kuadrit të negociatave me Brukselin si dhe përcakton mbajtjen e konferencës së parë ndërqeveritare menjëherë.

“Thashë “po” sepse mendoj se ky është një propozim i vetëm europian, zgjidhja më e madhe për momentin por edhe në periudhën e ardhshme, një propozim që ruan vijat e kuqe dhe në të njëjtën kohë mundëson fillimin e negociatave. Shumë njerëz me të drejtë pyesin nëse mund të ishte më mirë, për çdo gjë në jetë mund të jetë më mirë, por në të njëjtën kohë mund të pyesim nëse mund të kishte qenë më keq, përgjigja është e njëjtë dhe të gjitha gjërat mund të shkojnë për keq. Por nuk dua të flas për gjëra të këqija siç duan disa qendra radikale politike të jashtme dhe të brendshme. Besoj se duhet gjetur gjërat e mira dhe t'i forcojmë siç e mundëson propozimi për themelet tona, gjuhën maqedonase, veçantinë, identitetin historik, kulturor dhe kombëtar. Në fund të fundit, ne kërkuam dhe morëm zgjidhjen më të mirë për këtë” – deklaroi Kryeministri i RMV-së,  Dimitar Kovaçevski.

Seanca e 81 e Kuvendit, që në fillim nisi me tensione me deputeten e VMRO-DPMNE-së  Dafina Stojanovska e cila grisi dokumentin dhe  kërkoi pushim në mënyrë që sipas saj mazhoranca të ketë mundësi të ndryshojë mendje dhe ta kthejë propozimin francez në Qeveri.

“Asnjë dokument nuk do të ketë legjitimitet dhe rëndësi nëse nuk merr nënshkrimin dhe vulën më të rëndësishme, që është nënshkrimi dhe vula e popullit maqedonas.“ – tha Dafina Stojanovska nga VMRO-DPMNE.

Deputetët duhet të miratojnë konkluzioent të cilat sipas shumicës parlamentare duhet ta obligojnë qeverinë për të mos shkelur vijat e kuqe e që kanë të bëjnë  me gjuhën maqedonase, veçantinë, identitetin historik, kulturor dhe kombëtar. (Merita Gashi, TVM2)