MPB Tetovë, detaje për aksidentin ku humbi jetën 19-vjeçari

Policia në Tetovë ka dalë me sqarime rreth aksidentit të rëndë të pasdites së të enjtes, ku humbi jetën një 19 vjeçar. Ai u përplas me një traktor me rimorkio, teksa ngiste motorin në rrugën lokale në Sllatinë.

“Dje rrethe orës 17:00 në rrugën lokale në fshatin Sllatinë, ka ndodhur një aksident trafiki me anë të një motoçiklete, që e ka drejtuar një 19 vjeçar me anë të një traktori me rimorkio, të drejruar nga një 60 vjeçar, të dy nga i njëjti fshat, Sllatinë. Nga lëndimet e marra motiçiklisti menjëherë është dërguar në spitalin klinik në Tetovë, e ku më pas për shkak të lëndimve të rënda është dërguar për në Spitalin e Shkupit, ku nga lëndimet e rënda edhe ka ndërruar jetë” – tha Zëdhënësi i SPB-Tetovë, Fatmir Rexhepi.

Nga policia bëjnë apele për kujdes të shtuar gjatë ngasjes së mjeteve motorrike e respektimt të rregullave të qarkullimit, për të parandaluar aksidentet, sidomos ato me  pasoja fatale.

Policia e Tetovës ka ndërmarë, ndërkohë edhe një aksion vetëdijësimi për respektimin e rregullave në trafikun rrugor. (Visar Sadiki, TVM2)