Nisi procesi i screening-ut, Mariçiç e Osmani shpjeguan qëndrimet e RMV-së

Pasdite nisi edhe procesi i screening-ut në të cilin vendi duhet të paraqesë shkallën e përputhshmërisë me ligjet e BE-së dhe planet për përputhshmëri të mëtejshme, duke ndërtuar kapacitete institucionale dhe administrative, si dhe burimet e nevojshme njerëzore e financiare për zbatimin e standardeve evropiane. Ministrat Mariçiç e Osmani shpjeguan qëndrimet e RMV-së.

 

“Procesi i shqyrtimit është një element thelbësor i negociatave të anëtarësimit, pasi do të na japë një pasqyrë të qartë se ku jemi dhe çfarë duhet të bëjmë në vitet në vijim. Ekzaminimi shpjegues nuk është i ri për institucionet tona. Jam i bindur se bazuar në mësimet e nxjerra do të jetë më e lehtë për ne që të përgatitemi për përditësimin e ligjit të BE-së. Si nënkryetar i Qeverisë për Çështje Evropiane, ne do t'i përqendrojmë përpjekjet tona në mbarëvajtjen e procesit të negociatave, përmes mobilizimit të administratës, pasi ajo konsiderohet si një shtyllë e këtij procesi. Barra kryesore e negociatave do të jetë mbi administratën tonë. Gjithashtu, do të rrisim kapacitetet për përkthimin e ligjit të BE-së në gjuhën maqedonase dhe rishikimin gjuhësor dhe profesional të akteve të përkthyera të BE-së.”,- tha zëvendëskryeministri për çështje evropiane, Bojan Mariçiq.

 

“Rruga e deritanishme nuk ka qenë aspak e lehtë, por sot nuk do të kthehemi pas në të kaluarën, por vështrimi ynë është i kthyer nga e ardhmja dhe detyrat që duhet të përmbushim gjatë procesit të negociatave. Së fundi, ne e fillojmë garën nga pozicioni fillestar dhe tani e tutje do të varet nga forcat dhe aftësitë tona - të mobilizojmë të gjitha burimet tona njerëzore dhe të punojmë me përkushtim derisa të plotësojmë kushtet e nevojshme për të hyrë në familjen evropiane, qytetërimit, vlerave dhe kulturës të cilës i përkasim.”,- theksoi ministri i punëve të jashtme, Bujar Osmani.

 

Ekzaminimi përbëhet nga dy nënfaza. Një nga proceset është një shqyrtim shpjegues, gjatë të cilit Komisioni Evropian do të bëjë një përditësim të ligjit përkatës të BE-së, duke qenë se kanë kaluar disa vite që nga mbajtja e takimeve fillestare shpjeguese dhe në të njëjtën kohë do të zhvillohet një proces tjetër shqyrtimi dypalësh. Këto procese do të zbatohen në një periudhë që do të zgjasë të paktën një vit dhe sipas Metodologjisë së re në nivel grupesh. Kalendari për realizimin e skriningut do të përcaktohet në bashkëpunim me Komisionin Evropian.