KE: Marrëveshja me FRONTEX-in në gjuhën maqedonase, do të finalizohet së shpejti

Pas zhbllokimit të proceseve integruese të Maqedonisë së Veriut, prioritet do të jetë zhbllokimi i marrëveshjes së FRONTEX, sigurojnë KE dhe Këshilli i BE-së. Procedura zhvillohet sipas nenit 218 të Kartës së BE-së.

 

Kjo marrëveshje është iniciuar nga Maqedonia në vitin 2018, por pengesa kryesore ishte  emërtimi i gjuhës maqedonase. Marrëveshja duhet të përfshijë ndryshime në autorizimin e agjencisë për t'u dislokuar në vendet jo anëtare të BE-së, mbikëqyrjen e kontrabandës së emigrantëve, mbrojtjen dhe monitorimin e zgjeruar të të drejtave themelore të njeriut, veçanërisht pasi kjo agjenci ishte subjekt i disa skandaleve në lidhje me marrëdhëniet e oficerëve të saj kufitarë me refugjatët. dhe migrantët në kufijtë e jashtëm të BE-së.

 

Në këtë fazë, Komisioni Evropian duhet të rekomandojë fillimin e negociatave për marrëveshjen me Maqedoninë e Veriut, dhe vendet anëtare të  Këshillit të BE-së, duhet të japë dritën jeshile për negociatat.

 

Pritet që Komisioni Evropian së shpejti të nxjerrë rekomandimin dhe Këshilli të japë dritën jeshile për negociata.  Kjo procedurë dhe ratifikimi i marrëveshjes mund të përfundojë këtë vjeshtë ose më së voni deri në fund të vitit,  por për momentin askush nuk përmend data.

 

Marrëveshja e FRONTEX deri më tani është bllokuar për shkak të refuzimit të Bullgarisë për të pranuar fjalët "gjuhë maqedonase" në tekst. Kryetarja e Komisionit Evropian, Ursula von der Leyen, tha sot se "marrëveshja do të përkthehet në gjuhën maqedonase, pa fusnota, pa vizë, në të njëjtin nivel me të 24 gjuhët evropiane".