1261 raste me “Covid 19” brenda tre ditësh

Në tri ditët e kalaura, përkatësisht nga 22 deri më 24 korrik, janë regjistruar 1261 raste të reja me “Covid 19”, nga 2.989 të testuar.

Rreth gjysma e të infektuarve apo 572 janë regjistruar në Shkup, derisa  295 janë riinfektime. 

Brenda këtyre te ditësh janë regjistruar 1.085 të shëruar dhe katër të vekur një 69 vjeçar nga Shkupi, një 80 vjeçar nga Prilepi, një 83 vjeçar nga Velesi dhe një 84 vjeçar nga Manastiri.

Poashtu është bërë e ditur edhe për dy të vdekur nga “Termini im”, njëri prej të cilëve më 1 korrik dhe tjeri më 26 qershor.

Numri i rasteve aktive në vend arrinë në 4.305 të infektuar me “Covid 19”.

Poashtu në vend janë regjistruar edhe variante të reja të virusit korona.

Sipas metodës se sekuencionimit të Institutit të shëndetit publik, 35 raste u evidentuan të variantit të Omicron BA.4 dhe BA.5.

OBSH ka njoftuar se numri i rasteve me virusin korona në botë është në rritje e sipër prej 1 muaji.

Numri irasteve pozitive është rritur edhe në Kosovë dhe Shqipëri. Në Kosovë në 24 orët e kaluara është regjistruar një viktimë dhe 582 raste të reja, derisa janë shëruar edhe 635 pacientë. Raste aktive me “Covid 19” në Kosovë janë 9.240.

Në Shqipëri brenda 24 orësh janë regjsitruar dy humbje jete dhe 233 të infektuar me “Covid 19”.

Në Shqipëri aktualisht ka 8,997 raste aktive, derisa po marrin trajtim spitalor 32 pacientë. (Fitim Kryeziu, TVM2)