Teheran, 53 të vdekur nga vërshimet

Të paktën 53 njerëz mbetën të vdekur gjatë përmbytjeve për shkak të reshjeve intensive që prekën zonat pranë Teheranit, bëjnë të ditur zyrtarët iranianë.

Mehdi Walipur, kreu i operacioneve emergjente në Shoqërinë e Gjysmëhënës së Kuqe, i tha televizionit shtetëror iranian se 16 persona rezultojnë të zhdukur pas dy ditësh përmbytjeje që preku 400 qytete dhe fshatra në 18 nga 31 provincat e Iranit.

Shumë autostrada u mbyllën ndërsa zona më e prekur ishte Firuz Ku, në rrëzë të maleve Alborz në verilindje të kryeqytetit Teheran, ku të paktën dhjetë humbën jetën, tha guvernatori i Teheranit, Mohsen Mansuri.