Izairi i kërkon gjykatës të mbyllë “Jugohromin”

Ky është dënimi maksimal që kërkon Inspektorati i Ministrisë së Ambientit Jetësor nga Gjykata e Tetovës.

 

Ministri Izairi kërkon dënim edhe për udhëheqësin e “Jugorhormit” për këtë shkelje.

 

“Përfaqësuesit e “Jugohromit” kanë bërë thyerje të ligjit dhe vendimit të Inspektoratit të Ambientit Jetësor dhe pa lejen e Ministrisë dhe Inspektoratit të Ambientit Jetësor e kanë bërë lëshimin e furrës numër shtatë, e cila ka qenë me vendim e mbyllur dhe nga ana e inspektoratit i është dhënë Gjykatës së Tetovës masa, ku është kërkuar dënim maksimal për kompaninë, dënim gjithashtu maksimal sipas Ligjit të Ambientit Jetësor për udhëheqësin e kompanisë dhe mundësinë për mbylljen që këtë vendim duhet ta marrë Gjykata e Tetovës”- deklaroi ministri i Ambientit Jetësor, Nurhan Izairi.

 

Furra e shtatë e “Jugohromit” është mbyllur në nëntor të vitit të kaluar, ndërsa duke e thyer marrëveshjen, “Jugohrom” ka aktivizuar furrën më 13 janar.

 

Ky hap ka bërë që ndotja e ajrit të arrijë maksimumin. Ajri i ndotur tanimë për një kohë të gjatë ka shkaktuar reagime te tetovarët, përfshi edhe  Shoqatën Ekologjike “Eco Guerila”.