Mali i Zi, nënshkruhet marrëveshje me kishën serbe

Nënshkruhet  marrëveshja themelore ndërmjet qeverisë malazeze  dhe Kishës Ortodokse Serbe, e cila parasheh rregullimin e marrëdhënieve mes të Malit të Zi dhe Kishës Ortodokse Serbe me bazë në Beograd.

Qeveria e Malit të Zi e miratoi  Marrëveshjen Themelore më 8 korrik. Versioni aktual i saj, përmban kryesisht obligimet e shtetit dhe institucioneve ndaj kësaj bashkësie fetare.

Kishës Ortodokse Serbe në Mal të Zi i mundësohet eksterritorialiteti i objekteve fetare, hapet mundësia mësimit fetar në shkollat publike, i njihet subjektiviteti për gjashtë shekuj më i gjatë se sa që Kisha Ortodokse Serbe ka në Serbi, i jep asaj kompetenca publike-juridike dhe në disa fusha ia mundëson statusin ligjor të barabartë me institucionet shtetërore.

Marrëveshja ka nxitur partinë opozitare Fronti Demokratik – që mbështet nënshkrimin e marrëveshjes – të kërkojë po ashtu dorëheqjen e Abazoviqit.

Por, kryeministri i Malit të Zi, Dritan Abazoviq, ka thënë se nuk do të japë dorëheqje.