Ministria e Kulturës mbështet studentët e talentuar në universitete me renome botërore

Edhe këtë vit ky institucion ndan bursa dhe u jep mundësi studentëve të studiojnë në universitet me famë botërore. Bëhet fjalë për studime diplomike, posdiplomike, doktoraturë dhe specializim.

 

“Këtë vit janë përkrahur 30 studentë me bursa, të cilët shkollimin e tyre do ta vazhdojnë në disa prej universiteteve me renome në botë, si në Paris, Las Vegas, SHBA, Moskë, Lubjanë, Pragë dhe në shumë vende të tjera të njohura botërisht”- deklaroi ministrja e Kulturës, Eliza Kanceska-Milevska.

 

“Sigurisht që është një masë e mirë për të vijuar studimet diplomike dhe postdiplomike dhe kur të kthehemi të mund të këmbejmë përvojat e arritura atje”- tha një student.

 

Me këtë rast, ministria e Kulturës bën thirrje që të gjithë artistët me vëmendje ta ndjekin konkursin e shpallur në ueb-faqen e tyre dhe të aplikojnë, me qëllim që të shfrytëzojnë këto mundësi për shkollim profesional dhe përsosmëri në drejtimin e caktuar.