Aksidenti në Kroaci, nuk mund të nxirren të dhënat nga tahografi

Mbeten ende të paqarta rrethanat që sollën deri në aksidentin tragjik dje në Kroaci, ku 12 persona humbën jetën e 32 të tjerë u lënduan.

 

Një teknik i autorizuar tentoi të nxirrte të dhënat prej tahografit, por ato nuk mund të lexoheshin. Pra nuk do të jetë e mundur të përcaktohet shpejtësia me të cilën lëvizte autobusi polak në momentin e aksidentit, edhe pse duhet të jetë 100 km/h. Sidoqoftë, në tahografi kishte dy karta dixhitale për shoferin dhe pasagjerin, që tregonin se transportuesi polak kishte punësuar dy shoferë për një udhëtim kaq të gjatë nga Polonia në Medjugorje . Sipas të dhënave nga kartela e shoferit, ai deri në momentin e aksidentit nuk kanë bërë asnjë shkelje  dhe shoferët  janë zëvendësuar në mënyrë korrekte pas një numri të caktuar orësh.