Zgjedhjet për këshillin komunal, ASH: Fushata në Tetovë, fushatë kontratash

Aleanca për Shqiptarët ka shprehur shqetësime se partitë në pushtetin qendror dhe lokal në Tetovë, janë duke bërë fushatë me nënshkrimin e kontratave në vepër me qëllim që më pas t’i shantazhojnë edhe kërcënojnë të njëjtit.

 

“Në këtë fushatë në vend që të kemi një garë reale platformash, ofertash e vlerash njerëzore, për fat të keq nga ana e partive që kanë pushtet, qoftë lokal a qendror, po zhvillohet një garë se kush do të ofrojë më shumë kontrata pune, të cilat kontrata po shndërrohen në mjet kërcënues e shantazhues për qytetarët. Kjo praktikë e nisur moti nga BDI, tani po përdoret edhe nga partitë e tjera që kanë pushtet qoftë lokal a qendror. Mjafton të kenë një drejtori dhe në çast e shndërrojnë atë në dyqan punësimesh të përkohshme”, u shpreh Vjollca Berisha nga ASH.