Strugë, qytetarët ankohen për çmimet e ushqimeve bazë

Kjo i ka shqetësuar qytetarët e Strugës të cilët thonë se çmimet po bëhen të pabërballueshme. Ata ankohen se janë rritur çmimet e ushqimeve të nevojshme për jetesë, ndërsa ankohen edhe për të ardhurat financiare. 

 

“Katastrofë është, rrogat janë të vogla a çmimet janë shumë të larta, standardi është si në perëndim. Shumë e vështirë do të jetë e sigurtë, me këto rroga nuk mund bledh bukë, e jo më të paguash rrymën që të mbijetosh, me 2 apo 3 fëmijë”, shprehet qytetari.

 

“Viran janë, unë me një rrogë me pensionin kisha mundësi të marr gjithçka, a tani asgjë”, thekson qytetari.

 

“Shumë të rritura, si përballojmë dot. Po na prêt po kush e qan hallin”, shprehet qytetari.

 

“I kan shtrejntu shumë, vjet kan qenë më lirë këtu, nuk janë të përballueshme. Është shumë vështirë, me këto çmime, me rritjen e naftës me gjitha këto produkte nuk e përballojmë”, thekson qytetari.

 

"Për standardin tonë janë të larta, do blejmë atë që mundemi. Deri në pranverë kështu do jetë, benzina u shtrejntua”, shprehet qytetari.

 

Qytetarët janë të shqetësuar edhe për trendin e rritjes së çmimit të naftës në vendet fqinje, trend i cili tashmë filloi edhe në vendin tonë. Ata thonë se çmimet e larta të naftës do të sjellin krizë më të thellë dhe shtrejtnim më të madh të produkteve. E dinë se  pritet një dimër i vështirë.