Luftime të ashpra për të rimarë kontrollin në Kherson

Kievi njoftoi të martën për luftime intensive në të gjithë rajonin jugor Kherson, nën kontrollin e Rusisë, ndërsa tha se trupat ukrainase vazhduan kundër-ofensivën “në drejtime të ndryshme”.

 

Shpërthime të fuqishme kanë vazhduar gjatë gjithë ditës dhe natës në territorin e Khersonit dhe se forcat ukrainase ndërmorën sulme në drejtime të ndryshme.

 

Në fjalimin e tij të mbrëmjes të hënën, presidenti Volodymyr Zelensky nuk dha detaje për strategjinë e Ukrainës, por përdori një ton sfidues ndaj Rusisë, duke thënë se nëse duan të mbijetojnë, ushtarët rusë duhet të largohen.

 

Ndërkohë Ministria ruse e Mbrojtjes tha se Ukraina pësoi një “humbje në shkallë të gjerë”, duke thënë se 1200 ushtarë të saj u vranë dhe dhjetëra pajisje ushtarake u shkatërruan gjatë sulmit të saj në jug, që Moska e quajti të dështuar.

 

Pjesa më e madhe e rajonit të Khersonit në kufi me Detin e Zi, u morën nën kontroll nga forcat ruse kur filloi agresioni gjashtë muaj më parë.