Xhaferi pret në takim përfaqësuesen e OSBE-së Ribeira

Në takim Xhaferi shprehu kënaqësi për takimin, duke e pasur parasysh angazhimin dhe përkushtimin shumë të madh të OSBE-së në rritjen e përpjekjeve për avancimin e lirisë të medieve në rajonin e vendeve të OSBE-së.

 

Kjo është sidomos me rëndësi në kohën kur vendi përgatitet të marrë kryesimin me OSBE-në në vitin 2023, në kryesimin e së cilës  si qëllim dhe projektim me prioritet është përfshirë edhe liria e medieve.

 

Ai theksoi se rajoni i OSBE-së padyshim ballafaqohet me sfidën më të madhe nga ekzistimi i vet për shkak të agresionit rus në Ukrainë dhe roli i OSBE-së në zvogëlimin e pasojave afatgjata nga kriza, të cilat gjithsesi kanë ndikim të drejtpërdrejtë mbi mediet.

 

Përfaqësuesja e OSBE-së Tereza Ribeira nga ana tjetër ka theksuar se Republika e Maqedonisë së Veriut ka përparim në më shumë fusha dhe vendi gjendet në pozitë më të mirë në raport me periudhën e kaluar. Maqedonia e Veriut e harmonizon legjislacionin e vet për lirinë e medieve me standardet ndërkombëtare por sërish ka hapësirë për përmirësimin e punëve në këtë sferë.

 

Krahas nevojës për përmirësimin e legjislacionit dhe implementimit në fushën e lirisë së medieve, ajo nënvizoi se nevojitet sigurimi i pavarësisë së vërtetë të shërbimeve publike, për çka nevojitet që ato të kenë kushte më të mira për kryerjen e detyrave të veta.