SASHK-u: greva po realizohet

Sipas kryetarit të SASHK-ut, Jakim Nedellkov, në qytetin e Strumicës, Kumanovës, Tetovës, Gostivarit, Velesit, Manastirit, Strugës dhe Kërçovës më tepër se 70 % e anëtarëve të SASHK-ut kanë protestuar.

 

Nedellkov thotë se edhe përkundër obstruksioneve, protesta ishte e suksesshme dhe do të vazhdojë deri në plotësimin e tërësishëm të kërkesave. Sipas tij, të gjithë ata të cilët nuk do ta mbështesin protestën nuk do të jenë më anëtarë të SASHK-ut.

 

“Të gjithë ata të tjerë të cilët nuk do ta mbështesin protestën e SASHK-ut, kam deklaruar dhe kam thënë se ata më nuk do të jenë anëtarë të SASHK-ut”- deklaroi kryetari i SASHK-ut, Jakim Nedellkov.

 

Situata ishte e ngjashme edhe në shkollat e Shkupit, ku në hyrjet e tyre kishte shënime të ngjitura për protestë. Arsimtarët ishin në vendin e punës, por nuk kanë mbajtur mësim. Në disa shkolla nuk ka pasur protesta dhe mësimi është mbajtur me rregull. 

 

Nga Ministria e Arsimit ende nuk kanë dalë me qëndrim për protestën e organizuar nga ana e SASHK-ut.