VMRO-DPMNE: Kovaçevski ka shmangur shërbimin ushtarak

VMRO-DPMNE e quan kryeministrin  Dimitar Kovaçevski dezertorë sepse në vitin 2001 sipas tyre, ai  ka refuzuar shërbimin ushtarak, me dëshmi se nuk është i aftë. Opozita maqedonase  kërkon nga i pari i ekzekutivit ta lëshojë pozitën e kryeministrit, ose në të kundërtën do të publikojnë  gjëra të panjohura deri më tani për opinionin.

“I  bëjmë thirrje Kovaçeskit  dezertorë që në afat prej 24 orësh  të tregojë nëse me të vertetë ka ikur dhe është i paaftë përgjithmonë, ose nëse ka gënjyer përpara  institucioneve dhe mjekëve?! Le të del dhe të tregon, sepse në të kundërtën do të publikojmë gjithçka që kemi. Nëse me të vërtetë është i paaftë përgjithmonë,  atëherë duhet të tërhiqet nga pozicioni i kryeministrit menjëherë” – tha Deputeti i VMRO-DPMNE-së, Dragan Kovaçki.

LSDM: VMRO-DPMNE shpërqëndron, i brengos tenderi

LSDM me përgjigje ndaj VMRO-DPMNE-së. Nga kjo parti theksojnë  se "i dezertuar" është Kovaçki dhe se  trillon  gjëra,  me qëllim që të defokusohen qytetarët për ndarjet në rradhët e opozitës dhe  për tenderin prej 136 milion eurosh, për çka filloi edhe  përçarja mes kryetares së Shkupit Danella Arsovskës dhe VMRO-së.

“Shihet qartë se po mundohen të shfokusojnë vetëm e vetëm të mos përgjigjen  për atë që presin qytetarët. Hristijan Mickovski apo kryetari  i mprehtë i qytetit , së bashku me VMRO-DPMNE-në, përmes trillimeve përpiqen të shpërqëndrojnë dhe defokusojnë për atë që  po ndodh në VMRO-DPMNE, respektivisht ndarja që po ndodh me Danella Arsovskën dhe ajo që po ndodh sot me Nikolla Micevskin” – u shpreh Zëdhënësi i LSDM-së, Darko Kaevski.  

LSDM kërkon nga institucionet gjegjëse që të zbardhin rastin me tenderin e dyshimtë  dhe të pasojnë përgjegjësitë juridike për ata që do t'I fajësojnë organet gjyqësore. (Nermin Mulaki – Fejzullahu, TVM2)