Kriza energjetike, Bytyqi: Energji elektrike do të ketë

Energji elektrike do të ketë gjatë gjithë sezonit të ngrohjes, me çmimet më të lira të mundshme në treg. Zëv/kryeministër për çështje ekonomike, Fatmir Bytyqi, siguron qytetarë dhe ekonominë se janë siguruar kapacitet e nevojshme për tregun e regulluar, ndërkaq brenda javës tjetër do të mësohet epilogu për furnizimin e mundshëm me energji elektrike nga Bullgaria, Sërbia dhe Turqia.    

 

“Qytetarët dhe 70 mijë kompani që janë në tregun e regulluar s’duhet të kenë frikë për mospasje të energjisë elektrike deri në mars të vitit tjetër. Mbetet pjesa e tregut të lirë, ku Qeveria dëshiron të ndërhyjë edhe pse nuk i takon, pasi kur keni treg të lirë nuk i përket Qeverisë të intervenojë, por siç kemi thënë, do t’u dalim krah. Përpiqemi të gjejmë lëndën e parë për prodhimin shtesë të energjisë elektrike, e cila do t’i jepej në dispozicion ekonomisë, me çmime më të lira se në bursë.”, tha Fatmir Bytyqi, zëv/kryeministër për çështje ekonomike.

 

 

Sa i përket fillimit të sezonit të ngrohjes në kryeqytet, Bytyqi thotë se kompania “BEG” e ka për detyrë të ofrojë shërbim për qytetarët konformë marrëveshjes, deri në momentin që operatori i ri të hyjë në treg. 

 

 “Meqë Qyteti i Shkupit nuk e mori përsipër shërbimin publik ofrimin e energjisë për ngrohje, i la qytetarët në baltë, Qeveria, për fat të keq, intervenoi me formimin e tre kompanive, të cilat duhetta sigurojnë shërbimin publik për qytetarët. Për momentin rrjeti shpërndarës i është dhënë në Elektro  Ekonomisë së Maqedonisë, e cila ka liçencë për ofrimin e shërbimit. BEG duhet të ofrojë shërbim deri sa të hyjë operatori i ri ekonomik.”, tha Bytyqi.

 

Zëv/kryeministër për çështje ekonomike, Fatmir Bytyqi, morri pjesë në festivalin e organizatës CIVIKA Mobilitas, ku i shënua Dita e organizatave qytetare dhe ndërmarrjeve sociale.