Visar Ymeri kryetar i ardhshëm, Kurti nuk kandidohet

Kandidatura e vetme e paraqitur në përfundim të afatit ligjor është ajo e Visar Ymerit, si kandidati konsensual i “Vetëvendosjes”, i cili do ta zëvendësojë Kurtin për një mandat trevjeçar.

Ymeri është shefi i tanishëm i Grupit Parlamentar, ndërkohë që Kurti pritet të mbetet vetëm aktivist i  subjektit.

Statuti i “Vetëvendosje!”­s parasheh që një person mund të zgjidhet vetëm dy herë në postin e kryetarit. Kurtit do t’i mbetet mundësia për t’u rizgjedhur edhe një herë në këtë post, nëse vendos të rikthehet.