Drejtorë të rinj në ndërmarrjet publike në Shkup, u jepet obligim të kursejnë e të merren me “jopunëtorët”

“Radmilla Pesheva është emëruar u. d. drejtore e Ndërmarjes Publike “Lajka”, Said Saidi, është emëruar për menaxhimin e Ndërmarrjes së  Rrugëve, Zuhejr Rexhepi në ndërmarrjen për Parqedhe Gjelbërim, Krste Petrevski do të drejtojë me parkingjet në Shkup, në JP “Drisla” është emëruar Aleksandar Kuzinakov”,- thuhet në njoftimin e Qytetit të Shkupit.

 

Nga atje potencojnë se drejtorët e rinj duhet të zbatojnë reformat e nevojshme për të konsoliduar ndërmarrjet për t’u përballuar me krizën energjetike në gjashtë muajt e ardhshëm, por sidomos të mos lejojnë më që personat të cilët nuk shkojnë në punë ose nuk i kryejnë detyrat e tyre, të paguhen nga mjetet buxhetore.