Indi, të paktën 25 viktima, autobusi bie në humnerë

Të paktën 25 persona humbën jetën pasi autobusi me të cilin udhëtonin, doli nga rruga dhe ra nga një lartësi e madhe në shtetin e Uttarakhand në veri të Indisë.

 

Zyrtarët thonë se në momentin e aksidentit në autobus udhëtonin të paktën 40 persona,  21 prej të cilëve janë shpëtuar pas një operacioni gjatë natës të udhëhequr nga forcat emergjencave civile.

 

Për ngjarjen e rëndë reagoi dhe kryeministri Narendra Modi i cili tha se mendimet e tij janë me familjet e viktimave.

 

Autobusi po transportonte dasmorë nga Laldhang në fshatin Bironkhal në Uttarakhand kur ndodhi aksidenti.

 

Shkaku i përplasjes nuk dihet menjëherë, por autoritetet shtetërore thanë se po hetonin incidentin.