Maqedoni

Raporti i KE-së për RMV-në, Varhelyi: Vazhdoni me reformat, luftoni korrupsionin

12.10.2022 15:18

Ballkani Perëndimor është pjesë e familjes evropiane dhe paraqet interes strategjik për BE-në...

Ballkani Perëndimor është pjesë e familjes evropiane dhe paraqet interes strategjik për BE-në, tha eurokomisari për zgjerim, Oliver Varhelyi, gjatë shpalosjes së pakos së zgjerimin për vendet e Ballkanit Perëndimor dhe Turqinë. Në Komitetin për Punë të Jashtme të Parlamentit Evropian, Varhelyi,  potencoi kërcënimet e Rusisë dhe nevojën që unioni të thekojë rëndësinë dhe  rolin e Ballkanit Perëndimor mbi sigurinë dhe paqen afatgjate të kontinentit. Ndërkohë tha se politika e zgjerimit të BE-së po vazhdon e si dëshmi potencoi  mbajtjen e konferencës së parë ndërqeveritare midis RMV-së dhe BE-ë. Kërkoi nga shteti ynë vijimin e procesit të skriningut dhe vazhdimin e reformave në fusha të caktuara, duke potencuar edhe përforcimin e mbikëqyrjes parlamentare mbi shërbimet sekrete.

“Maqedonia e Veriut ka dëshmuar përcaktimin e saj dhe ka  bërë progres stabil në implementimin e reformave,  por shteti duhet ta mbajë  këtë tempo dhe ta shfrytëzojë  procesin e  skriningut që të përshpejtojë implementimin e reformave që kërkon BE-ja. Lufta kundër korrupsionit duhet të vazhdojë dhe po ashtu reformat në Administratën Publike.”,- tha eurokomesari për zgjerim, Oliver Varhelyi.
 
Kyçyk: Shkupit dhe Tiranës iu duhet integrim më i shpejtë
 
Raportuesi për RMV-në në PE, Ilhan Kuçyk, kërkon përshpejtimin e integrimit për  Shkupin dhe Tiranën.
 
“Me fillimin e skriningut në RVM kemi proces stabil drejt përafrimit në BE. Është mirë që akoma nuk i mbajmë peng RMV-në dhe Shqipërinë në debatet tona brenda dhe jashtë unionit.”,- tha raportuesi për RMV-në në PE, Ilhan Kyçyk.
 
Në raport janë theksuar edhe problemet dhe sfidat që nuk i kanë shpëtuar as vendet e Ballkanin Perëndimor, mungesa energjetike dhe ushqimore si dhe planet për përballjen me këto kriza. 
 
NERMIN MULAKI FEJZULLAHU