Uji me erë e ngjyrë në Tetovë, IShP: Pasojë e shirave, uji i pastër për pije

Erë e keq, në ngjyrë e turbullt janë disa nga ankesat që qytetarët e Tetovës e kanë njoftuar nëpërmjet rrjeteve sociale për ujin e pijshëm në Tetovë. Kjo situatë, paraqitet thuajse çdo vite me radhë, në sezonin e vjeshtës, sidomos kur fillon rënia e gjetheve dhe kalbja e tyre, por, megjithatë, uji rezulton i pastër për pije thonë nga Instituti i Shëndetit Publik. Ndërsa për ata që nuk e durojnë dot këtë aromë apo shije, të presin që brenda dy ditësh kjo aromë do të largohet.

 

“Ndodh shkaku i shirave dhe vegjetacionit, do të kalojë, ka aromë intensive. Ata që s`mund ta pinë dhe të shfrytëzojnë ujin e ambalazhuar, të tjerët munden rehat ta shfrytëzojnë.”,- theksoi drejtuesi i IPSh – Tetovë, Ratko Davitkovski.

 

 

Nga Instituti i Shëndetit publik në Tetovë kanë theksuar se për të larguar këtë problem që paraqitet çdo vit rekomandon mbrojtjen e zonës së burimit, por edhe trajtim të ujit në stacionin për filtrim.

 

“Duhet të bëhen tre zona mbrojtjeje, e para ajo e ndalesës, e kufizimit dhe ajo epidemiologjike, atje ka të formuar zonë por nuk është e mbrojtur dhe e dyta, në filtër stacion mund të kontrollohet përmes karbonit aktiv apo ozonimit, pra është e mundur që në stacion filtrimi të përdoret karboni aktiv dhe jo ozonimi.”,- u shpreh drejtuesi i IPSh – Tetovë, Ratko Davitkovski.

 

Përndryshe në Tetovë, çdo ditë me mungesë të ujit ballafaqohen banorët e rrugës 146 ndryshe e njohur si rruga e UÇK-së.