Ngërçi në transportin pulik, akoma autobus të parkuar para Qeverisë

Autobusët e Ndërmarrjes së  Transportit Publik edhe këtë mëngjes gjenden të parkuar para Qeverisë  në rrugën Ilindenska, ndërkohë këmbësorët e shqetësuar po përpiqen të mbërrijnë  në punë në kohë.

Trafiku është i mbyllur, ndërkohë nuk ka të dhëna për kohëzgjatjen e bllokadës.

15 autobusët, sipas kreut të Sindikatës së NTP-së, janë parkuar para qeverisë me urdhër të kryetares Danella Arsovska për t'i paralajmëruar ministrat se kanë borxh ndaj qytetit dhe ndërmarrjes,  edhe pse qeveria ka mohuar se i ka borxh qytetit të Shkupit.

Këto autobusë kryesisht janë të linjave për transport falas të nxënësve të shkollave  të mesme.

Pjesa tjetër e autobusëve të Ndërmarrjes për transport Publik  janë kthyer në rrugët në të gjithë kryeqytetin, pasi këshilli i qytetit të Shkupit rialokoi fondet nga buxheti i pagave për punonjësit e ndërmarrjes në fjalë.