Marrin pagat, merr fund greva

Autobuzët në Shkup iu kthyhen qarkullimit mëngjesin e kësaj të premteje. Kjo pas vendimit të qytetit të Shkupit për pagesën e rrogave të vonuara. Megjithatë, gjatë ditës disa autobusë mbetën të parkuar  para objektit të qeverisë, në mënyrë që t’i bëhet presion qeverisë për pagesë të subvencioneve. Megjithatë bllokada e tyre nuk zgjati shumë. 

 

Rruga “Ilindeni” para Qeverisë është liruar, pasi autobusët e Ndërmarrjes Qarkulluese Publike që mbetën të parkuar në shenjë proteste pas vonesës së pagave të punëtorëve, përfundimisht janë larguar.  

 

 

Me largimin edhe të këtyre autobusëve, zyrtarisht mori fund protesta e punonjësve të NTP-së.  Kreu i opozitës maqedonase Hristijan Mickovski bëri thirrje që kompetentët të lënë anash inatet personale dhe të punojnë për qytetarët. Paralajmëroi se këshilltarët e VMRO-DPMNE-së përsëri do të kërkojnë subvencionim të kësaj ndërmarrje publike. 

 

“Grupi i këshilltarëve të VMRO-DPMNE-së do të propozojë subvencionim të ndërmarrjes për muajin e ardhshëm, për shkak se tani kaluam këtë muaj dhe duhet të mendojmë për muajin e ardhshëm, sepse gjendja atje nga ajo që e di është alarmante. Menaxhmenti i keq i kuadrit që aty është vendosur nga ana e kompetentëve të qytetit të Shkupit është tanimë evidente. Gjendja është para falimnetimit dhe nëqoftë se nuk gjenden mjete adekuate nga buxheti i qytetit të Shkupit, mendoj se duhet urgjentisht ristrukturim dhe funskionim ndryshe të ndërmarrjeve të tilla siç është NQP-Shkup.”, tha kryetari i VMRO-DPMNE-së, Hristijan Mickovski.

 

 

 

Ndërkohë gjykata penale ka vendosur për paraburgim prej 48 orësh për J.I, punonjësin e NTP-së, i cili dërgoi email me kallëzim të rremë se ishte vendosur bombë në afërsi të kompanisë  J.I do të qëndrojë në paraburgim për 48 orë, në burgun në Shuto Orizare.