Jordani, Osmani pritet në takim nga homologu Safadi

Në kuadër të vizitës së parë të Punës në Mbretërinë Hashemite të Jordanisë, Ministri i Punëve të Jashtme, Bujar Osmani, realizoi takim me Ministrin e Punëve të Jashtme dhe Emigracionit, Ajman Safadi.

 

Në fokus të bisedimeve ishin temat lidhur me marrëdhëniet ndërmjet Maqedonisë së Veriut dhe Jordanisë në nivel bilateral dhe multilateral, si dhe mënyrat për avancimin e mëtejmë në periudhën që vijon. 

 

“E një rëndësie të veçantë ishte nënshkrimi i Protokollit për Bashkëpunim ndërmjet dy Ministrive të Punëve të Jashtme, që lehtëson dhe inkurajon bashkëpunimin dhe komunikimin e drejtpërdrejtë në politikë, ekonomi, shkencë, kulturë dhe në fusha të tjera me interes.  Sinqerisht, pres që niveli i shkëlqyeshëm i bashkëpunimit, të intensifikohet me rritje të dinamikës, pasi që e ndajmë përkushtimin e njejtë për paqe dhe stabilitet si në rajon ashtu edhe në botë”, u shpreh ministri i Punëve të Jashtme, Bujar Osmani.

 

Në takim u bë fjalë edhe për interesimin e Maqedonisë së Veriut për anëtarësim në Union, me ç’rast Osmani shprehu mirënjohje për mbështetjen e pahamendshme të Jordanisë për realizimin e këtij qëllimi.

 

Njëherit u vlerësua se anëtarësimi i ardhshëm i Maqedonisë së Veriut në Unionin, për Mesdheun do të sigurojë rrjetëzim dhe integrim më të ngushtë në strukturat evropiane që punojnë me rajonin e Mesdheut dhe ndërveprim më të mirë me fqinjin jugor të Bashkimit Evropian.