Gjendja është stabile, tërhiqet uji

Nga Drejtoria për Mbrojtje dhe Shpëtim njoftojnë se tashmë ka filluar të tërhiqet edhe uji në shtretërit e lumejve në tërrë territorin e vendit.

 

“Me përgjegjësi mund të them se në këtë moment gjendja është stabile.Drejtoria për mbrojtje dhe shpëtim në kontinuitet po e ndjek situatën në lidhje me rreshjet e shpeshta dhe me intenzitet të madh gjatë ditëve të kaluara. Të dhënat nga Drejtoria për Mbrojtje dhe Shpëtim të cilat i marrim prej 35 njësi rajonale flasin për terheqje të ujit në të gjithë shtretërit e të gjithë lumejve në shtetin tonë”, shprehet drejtori i Drejtorisë për Mbrojtje dhe Shpëtim, Shaban Saliu.

 

Nga Drejtoria për Mbrojtje dhe Shpëtim thonë se makinat e tyre vazhdojnë të jenë në terren ndërkohë u bëjnë thirrje bashkësive lokale që në raste të nevojshme të kërkojnë ndihmën e tyre.