“Ballkani I Hapur”, Kovaçevski - Vuçiq – Rama në takim të ri online

Në takim, ata theksuan se Ballkani i Hapur është iniciativë pozitive rajonale që po jep rezultate konkrete për kompanitë dhe qytetarët kur bëhet fjalë për liritë europiane për lëvizjen e njerëzve, shërbimeve dhe mallrave. Për këtë qëllim, tre bashkëbiseduesit u dakorduan që t’i përcjellin të gjitha përvojat pozitive nga “Ballkani i Hapur”, në Samitin paraprak të Procesit të Berlinit. Sipas tyre, “Ballkani i Hapur” është një nismë që mobilizon administratën, biznesin dhe qytetarët për përparim të përbashkët të rajonit dhe për mbështetje të përbashkët gjatë gjendjeve të krizës të shkaktuara nga mungesa e ushqimit dhe energjisë elektrike. 

 

Diskutuan edhe për qëndrimet e përbashkëta të tre shteteve për përshpejtimin e zbatimit të nismave aktuale. Në takimin koordinues ishin prezentë zëvendëskryeministri Bojan Mariçiq, ministri i punëve të jashtme Bujar Osmani dhe kryetari i Odës Ekonomike Branko Azeski.