Regjistrohen 37 raste të reja me COVID-19 në Maqedoni

Ministria e Shëndetësisë njofton se gjatë 24 orëve të fundit janë kryer 649 teste dhe janë regjistruar 37 raste të reja me COVID-19.

 

Nga numri i përgjithshëm i rasteve pozitive (37), janë regjistruar 11 riinfeksione. MSH njofton se janë konfirmuar edhe 33 pacientë të shëruar nga COVID-19.

 

Sot nuk është regjistruar asnjë humbje jete nga coronavirusi.

 

Numri i përgjithshëm i personave të diagnostikuar me COVID-19 në vendin tonë që nga fillimi i pandemisë është 343.964, numri i të shëruarve është 334.162, numri i atyre që humbën jetën është 9.561 dhe numri i rasteve aktive është 241.