Sveçla: Ka nisur zbatimi i masës së “qortimit” për targat

 

“Sot, Policia e Kosovës, në përputhje me vendimin e ri të Qeverisë dhe legjislacionin në fuqi, për të gjithë pronarët e mjeteve që qarkullojnë me targa ilegale, fillon shqiptimin e masës së qortimit, me kërkesën që të njëjtit të drejtohen në cilëndo nga Qendrat e Regjistrimit të Automjeteve për të regjistruar mjetet e tyre me targa RKS”, thekson Sveçla.

 

Qeveria e Republikës së Kosovës është e përkushtuar të ofroj siguri dhe sundim të ligjit në gjithë vendin dhe për të gjithë qytetarët e saj pa dallim, thekson ministri i brendshëm i Kosovës.

 

 

Por Ministri i Mbrojtjes i Serbisë, Millosh Vuçeviq, ka bërë të ditur se me urdhër të presidentit serb Aleksandar Vuçiq ushtria serbe është vënë në gjendje gatishmërie, për shkak të situatës në Kosovë. Vuçeviq tha për Televizionin Happy në Serbi se Vuçiq, si komandant i përgjithshëm, ka urdhëruar ushtrinë serbe që ta ngrejë nivelin e gatishmërisë luftarake në atë pikë që të mund t’i përgjigjet çdo detyre. 

 

“Ne nuk po përgatitemi për luftë, por nuk mund të jemi plotësisht të papërgatitur për gjithçka që ndodh”, tha ministri serb i mbrojtjes Vuçeviq.