“Ebola”, reforma në OBSH për shkak të trajtimit joadekuat

Disa dhjetëra vende anëtare të Organizatës Botërore të Shëndetësisë  e pranuan rezolutën me të cilën parashikohen reforma në organizatë, pas kritikave të ashpra të marra për shkak të reagimeve joadekuate të epidemisë së “Ebolës” në Afrikën  Perëndimore.

 

"OBSH të cilën e kemi, nuk është OBSH­ja e cila na nevojitet"- deklaroi Tom Friden, drejtor i Qendrës amerikane për Kontroll dhe Parandalim të Sëmundjeve, duke theksuar se vendimet në organizatë shpeshherë janë miratuar nga arsye politike, e jo nga arsye shkencore. 

 

Drejtoresha e përgjithshme e OBSH­së, Margaret Çan, pranoi se kjo organizatë "tepër ngadalë e ka parë rëndësinë e epidemisë", e cila mori më shumë se 8.600 jetë, kryesisht në Guine, Liberi dhe Siera Leone.

 

Me rezolutën e miratuar nga këshilli ekzekutiv i OBSH­së, mes tjerash, parashikohet edhe krijim i fondit për situata urgjente, me të cilin do t'u përgjigjet krizave shëndetësore në botë.

 

Gjithashtu, është paraparë edhe formim i ekipit rezervë të punëtorëve mjekësorë, të trajnuar për luftë kundër epidemive.