Lista Serbe ka dorëzuar mandatet e deputetëve në Kuvendin e Kosovës

 

“Gjithçka që po shohim këtyre ditëve të fundit, sa i përket reagimit, bllokadave, përpjekjeve për sabotim, dorëheqje e kështu me radhë, prej deputetëve dhe kryetarëve të komunave, policisë, të gjitha janë një orkestrim në të cilin dirigjent i padiskutueshëm është  Aleksander Vuçiqi dhe Serbia. Këtu s’kanë fare të bëjnë me reagim spontan të popullatës serbe në Kosovë, sepse i kemi edhe serbët e komunave të tjera dhe veprimet e tyre mund t’i krahasoni.”, tha Glauk Konjufca, kryetari i Kuvendit të Kosovës.

 

Largimi i serbëve nga institucionet e Kosovës erdhi pas largimit nga puna të drejtorit të Policisë në veri të Mitrovicës. Ky i fundit refuzoi të zbatonte vendimin e Qeverisë së Kosovës për targat, duke mos lëshuar fletëqortime për serbët e Kosovës që nuk i konvertojnë targat ilegale në ato të Republikës së Kosovës. Nderkoh Shtetet e Bashkuara u bënë thirrje Kosovës dhe Serbisë të zgjedhin rrugën e bisedimeve dhe të përmbahen nga veprimet që nxisin dhunë.