Turqi, 9-të viktima nga zjarri në Bursë

Nëntë persona, midis tyre tetë fëmijë kanë ndërruar jetë në mënyre tragjike, kur flakët e zjarrit përfshinë apartamentin ku po jetonin në provincën veriperëndimore turke të Bursës.                                   

Tragjedia ndodhi mbrëmjen e së martës, me çrast,  sipas policisë,  viktimat janë nëna, gjashtë fëmijët e saj dhe dy nipërit, të cilët jetonin përkohësisht në apartamentin që u shkrumbua nga zjarri. Mësohet se viktimat janë refugjatë sirianë. Shkaku i zjarrit nuk është ende i qartë. Autoritetet thanë se viktimat vdiqën nga asfiksia për shkak të tymit nga flakët e zjarrit.

Sipas medieve turke babai i gjashtë fëmijëve ishte jashtë apartamentit në momentin e zjarrit. Ai u lëndua ndërsa përpiqej të shpëtonte fëmijët dhe bashkëshorten.