Mariçiq sot në Bruksel, do të hapë takimin dypalësh të shqyrtimit për Kapitullin 24

Zëvendëskryeministri i ngarkuar për Çështjet Evropiane, Bojan Mariçiq, sot në Bruksel do të hapë takimin dypalësh treditor, për kapitullin 24, “Drejtësia, Liria dhe Siguria”.

 

Në takim, anëtarët e Grupit Punues do t'ua prezantojnë qëndrimin dhe nivelin e përputhshmërisë së sistemit juridik të Maqedonisë së Veriut para përfaqësuesve të drejtoritë e përgjithshme përkatëse të Komisionit Evropian në lidhje me acquis të BE-së në lidhje me migracionin, azilin, bashkëpunimin gjyqësor në çështjet civile, bashkëpunimin në fushën e luftës kundër drogës, bashkëpunimin në fushat e doganave, politikës së vizave, bashkëpunimit policor dhe lufta kundër krimit të organizuar, bashkëpunimi ndërmjet njësive të inteligjencës financiare, krimi i organizuar, bashkëpunimi gjyqësor në çështjet penale, lufta kundër terrorizmit, Shengeni, falsifikimi dhe kufijtë e jashtëm.

 

Ekipi negociator i RMV-së, përbëhet nga përfaqësues të Grupit Punues për Kapitullin 24, “Drejtësia, Liria dhe Siguria” të cilët vijnë nga Zyra e Zëvendëskryeministrit përgjegjës për politika të qeverisjes së mirë, Ministria e Punëve të Brendshme, Ministria e Drejtësisë, Ministria e Mbrojtjes, Ministria e Punëve të Jashtme, Ministria e Shëndetësisë, Prokuroria Publike, Banka Kombëtare, Drejtoria për Inteligjencë Financiare dhe Sekretariati për Çështje Evropiane.

 

Institucion kompetent për këtë kapitull është Ministria e Punëve të Brendshme, ndërsa grupin punues e udhëheq Koordinatorja e Kapitullit 24, shefja e sektorit për negociata dhe integrime evropiane në MPB, Svetlana Vllahoviq Dimanovska.

 

Prezantimet për kapitullin 24, në grupin 1, "Vlerat themelore", do të zgjasin deri më 24 nëntor dhe do të ofrojnë një bazë solide për përgatitjen e raportit të shqyrtimit që Komisioni Evropian do të përgatisë dhe dërgojë në Këshillin e BE-së, për procedurën e mëtejshme, e cila do të varet nga dinamika e negociatave në këtë kapitull.