Mjegull në Strazhë, borë e dobët në Pavleshenc

Në qafën malore Strazhë është zvogëluar dukshmëria deri në 50 metra për shkak të paraqitjes së mjegullës, ndërsa borë të përkohshme, e cila tani për tani nuk ndalet në rrugë, ka në Pavleshenc, informon në mëngjes Auto moto lidhja e Maqedonisë.

 

Prej atje theksojnë se ende vlen ndalesa për lëvizje të automjeteve të rënda transportuese mbi 7,5 tonë dhe autobusëve në rrugën Rzhaniçino-Konjare e Poshtme, për shkak të dëmtimit të shtyllës së mesme të urës në lumin Pçinja.

 

Mbetet në fuqi edhe ndalesa e lëvizjes së automjeteve  në rrugën Kiselicë-Zletovë për shkak të rëshqitjes së dheut.

 

Në rrugën rajonale P 2232 në vendin e quajtur "Globica", në afërsi të fshatit Ratavic, Probishtip dhe në drejtimet rrugore drejt fshatrave Stepanci dhe Suvo Grlo komunikacioni është ende në ndërprerje.

 

Dëmi në urën në aksin rrugor Radovish - Shtip është sanuar dhe komunikacioni zhvillohet në një korsi. 

 

Në rrugët tjera komunikacioni zhvillohet normal nëpër rrugë të lagështa./mia