Shuhet revolta në Kinë

Stuhia e revoltave popullore në Kinë duket se ka përfunduar. Protestat masive kundër kufizimeve strikte për të luftuar valën e re të Covid-19 janë shuar, pasi autoritetet shtrënguan mënyrat për shmangien e tyre.

Demonstratat u intensifikuan gjatë fundjavës pas një zjarri në një bllok banimi në një qytet në Kinën perëndimore, që vrau 10 persona të enjten. Besohet gjerësisht se banorët nuk mund t’i shpëtonin zjarrit për shkak të kufizimeve të Covid, por autoritetet lokale e kanë kundërshtuar këtë.

Si rezultat, mijëra dolën në rrugë për ditë të tëra, duke kërkuar fundin e izolimeve të Covid – me disa madje që bënin thirrje të rralla që presidenti Xi Jinping të dorëhiqej. Në Shangai, barriera të mëdha u ngritën përgjatë rrugës kryesore të protestës dhe policia bëri disa arrestime.

Një protestë e vogël në qytetin jugor të Hangzhou të hënën në mbrëmje u ndal gjithashtu me shpejtësi me njerëz të arrestuar me forcë.