RMV: Shënohet dita e shën Klimentit të Ohrit

Besimtarët ortodoks në vend  festuan  8 dhjetorin – ditën e shën Klimentit të Ohrit, ipeshkvit të parë sllav. Kjo ditë u shënua me një sërë aktivitete. Një delegacion qveritarë vendosi  lule tek  përmendorja e Shën Klimentit të Ohrit para Bibliotekës Nacionale Universitare në Shkup.

 

Ndërkohë, kisha Ortodokse maqedonase ditën e shën Klimentit e shënoi me një liturgji.

 

“Shtëpia e Zotit është vendi ku treten lëkundjet drithëruese të pasigurisë akademike pët atë se kush dhe i kujt është Shën Klimenti. Tentimet që të përvetësohet Shën Klimenti janë më të pakuptimta se sa tentimet e përvetësimit të Diellit”, u shpreh ipeshkiv z. Kliment Heraklejski.

 

Me rastin e kësaj feste besimtarët ortodoks i uroi edhe kreu shtetëror.

 

“Të mësuar nga Shën Klimenti i Ohrit për humanizmin, zellin, përkushtimin dhe sinqeritetin, të kontribojmë për një botë më të mirë dhe më të bukur"- thuhet në urimin e presidentit të shtetit, Stevo Pendarovski.

 

Kreu i kuvendit Talat Xhaferi figurën dhe veprën e Shën Klimentit të Ohrit e  kujton si shembull  për lidhjen e ngushtë mes  misionit shpirtëror dhe  atij të  arsimimit.

 

"Figura dhe vepra e Shën Klimentit të Ohrit është shembulli më i mirë për simbiozë mes misionit të shpirtërores dhe arsimit. E kemi për obligim ta ushqejmë këtë trashëgimi", theksoi kreu i kuvendit Talat Xhaferi.

 

Kryeministri Dimitar Kovaçevski shfytëzon rastin e festës  për të apeluar në ruajten e vlerave që na afrojnë.

 

"Ashtu siç pati sukses në misionin e tij Shën Klimenti i Ohrit, të gjithë ne e kemi për obligim të kemi sukses në tejkalimin e sfidave, në mënyrë të qetë, me guxim dhe pozitivitet. Me mirëkuptim t'i ruajmë vlerat që na bashkojnë”, u shpreh kryeministri Dimitar Kovaçevski.

 

Nuk ka munguar as urimi nga kryetari i opozitës maqedonse VMRO-DPMNE.

 

“Misioni i shkrim-leximit të Shën Klimentit të Ohrit kishte për qëllim t'i kundërvihet asimilimit të gjuhës sonë, kulturës dhe identitetit, me veprën e të cilit duhet të krenohemi”, theksoi kreu i VMRO-DPMNE-së, Hristijan Mickovski.

 

Në vigjilje të festës kuvendi ndau çmimin shtetëror “Shën Klimenti i Ohrit”. Profesorit universitar Afrim Osmani iu nda çmimi për kontributin e tij në fushën e arsimit.

 

Në sferën e kulturës dhe artit çmimi shkoi për shkrimtarin Vllada Urosheviq dhe fotografistin Ismet Ramiçeviq, ndërsa për fushën e mjeksisë me çmim shtetëror u nderua kardiokirurgu,  Sashko Jovev.